65 lět kurse dolnoserbskeje rěcy
Napominanje
Šula za dolnoserbsku rěc a kulturu pśewjeźo zgromadnje ze župu Domowiny Dolna Łužyca z.t. pónjeźele 26. septembera zeger 15:00 w Měsćańskem domje (Stadthasu, Cottbus, Erich Kästner Platz 1) zarědowanje pód motom “65 lět kurse dolnoserbskeje rěcy”.
Historikaŕ Serbskego instituta dr. Pětš Šurman pśiwobrośijo se w zawjeźeńskem pśednosku wósebnje statkowanju Centralneje serbskeje rěcneje šule w Dešanku Kurt Krjeńc. Marja Elikowska-Winklerowa glěda slědk na styri domicile kursow dolnoserbskeje rěcy w Bórkowach, Běłej Górje, Dešanku a Chóśebuzu.
Wjaselimy se na rozgrona ze znankami z togo casa (Zeitzeugen). Comy procowanja za serbsku rěc zgromadnje z Wami dokumentěrowaś.
Chto jo był pódla? Co móžośo wó tom wulicowaś?
Chto jo něco sobu organizěrował, abo se wobźělił na jadnom kursu? Pšašajśo se we familiji a we jsy.
Cakamy na informacije abo fotografije z lět mjazy 1951 a 1989. Wšykne zajmce, spěchowarje, kursisty a pódpěrarje su wutšobnje witane.
Pšašanja a pśizjawjenja pód cysłom: 0355 – 79 28 29.
Wjednica Šule za dolnoserbsku rěc a kulturu Chóśebuz
Marja Elikowska-Winklerowa