Sprache ändern:
Deutsch Polnisch Sorbisch
 
 

Nachlese

Wałtoru jo Šula za dolnoserbsku rěc a kultur pśewjadła zasej studijny jězd a woglědała ze zajmcami do pěś cerkwjow: we Gołbinje, Popojcach, Wětošwje, Kśišowje a w Gołkojcach. Wjelgin zajmny jězd jo to był, a wobźělinki z města a jsow wokoło Chóśebuza a Picnja, su zgónili wjele zajmnego ze swójeje serbskeje domownje.  Wobźělili su se teke wuknice a wukniki 11. lětnika Dolnoserbskego gymnazija, a to, na swójo wurazne žycanje.

W kuždej cerkwi jo něchten wulicował wó jeje stawiznach, wósebnje jo se wustajiło to serbske. Gołbinsku cerkwju jo pśedstajiła Šramojc Ronja a jo wobźělnikow wuwitała w serbskej rěcy. W Gołkojcach jo faraŕ Klaus Natho pśedstajił we jadnej źiwadłowej scenje wósobinu tamnjejšego serbskego fararja, Jana Bjedricha Fryca, a jogo statkowanje za wjas a cerkwju.

M. Elikowska-W.

 

Ronja Schramm in Gulben Führung mit Dr. Alfred Roggan

Doppelkirche in Vetschau  Kirche in Kolkwitz