26.09.24 Cołnowanje ze serbskeju poeziju. Źilka pśedstajijo basni ze swójogo zwězka „Pyšpot procha. In Sand und Wolken geschrieben“

Wót młodeje serbskeje lyrikaŕki Źilka (jeje bergaŕske mě jo Jill-Francis Ketlicojc) su se mjaztym tśoje knigły pla Ludowego nakładnistwa Domowina wujšli. Nejaktualnjejšy jo łoni wujźony zwězk basnjow za dorosćonych z titelom „Pyšpot procha, In Sand und Wolken geschrieben“, kenž jo wóna teke wuspěšnje na Lipšćańskich knigłowych wikach pśedstajiła. We tych wěcej ako 60 dolnoserbskich a nimskich basnjach wuzgónijo produktiwna chóśebuska basnikaŕka póśěgi rěcy, identity a domownje, a teke gjarstka lubosćinskich basnjow jo pódla. Ducy na cołnje comy se zanuriś do zukowych barwow poezije Źilki. Teke něco wó slězynje swójogo twórjenja abo młogeje jadnotliweje basni buźo basnikaŕka nam pśeraźiś.

městno              Chóśebuz

termin               stwórtk, 26.09.24                                     

trajo                  2 góź., zeg. 15:00 – 16:30

zmakajomy se    zeg. 14:45, „Café Eis Greschke”, Žandow          

płaśi                  10,00 €